InicioSociedadeAdif licita a renovación de infraestrutura e vía do tramo Estación de...

Adif licita a renovación de infraestrutura e vía do tramo Estación de Guillarei-Fronteira portuguesa

Licitouse por un importe de case 12.380.000 euros.

PUBLICADO O

- Advertisement -

O Consello de Administración de Adif autorizou na súa última reunión a licitación, por importe de 12.379.566,43 euros (IVE incluído), do proxecto de renovación de infraestrutura e vía do tramo Estación de Guillarei-Fronteira portuguesa, pertencente á liña Guillarei-Valença do Minho.

Así o informou Adif nun comunicado, no que explica que o contrato, que ten como obxectivo mellorar o estado da infraestrutura e a fiabilidade da liña férrea, inclúe, entre outras, explanacións, limpeza e regularización de cunetas e noiros entre os puntos quilométricos; así como execución de muros de dique e rebaixes de plataforma e construción de plataforma nova na estación de Tui e en tres pasos superiores.

A iso s suman actuacións en plataformas de acceso a estribos e entre ás de vigas, impermeabilización e selado de xuntas transversais en diferentes pasos inferiores; execución dun muro de contención a base de pilotes, complementados cunha aliñación de ancoraxes do muro; prolongación da plataforma existente na estación de Tui e renovación para deixalo á cota que mellora a accesibilidade dos viaxeiros.

Tamén se crea unha nova plataforma lateral alén das vías, engade Adif, que sinala que a comunicación entre eles se previu mediante un paso inferior, incluíndo un percorrido libre de obstáculos con alternativa sen chanzos.

Nesta actuación inclúese a adecuación da vía 4, a substitución de semipórticos e a instalación dun pórtico na zona de plataformas da estación de Tui, a electrificación da vía 2 e a substitución de ménsulas, dirección O Porto (Portugal), polos cambios en trazado.

Con estas actuacións a estación de Tui quedará adecuada tanto para o servizo internacional de viaxeiros como para poder estacionar trens de mercadorías de 750 metros de lonxitude.

ÚLTIMAS

Rueda, preparado para negociar con Caballero

O desbloqueo da urbanización da ETEA, a reforma das pistas de Balaídos, ou a...

A concelleira de Urbanismo afea a “actitude” da Xunta a catro días da reunión de Rueda e Caballero

O goberno municipal de Vigo afeou este venres "o fondo e as formas" das declaracións da...

O PP de Vigo esixe a Caballero que garanta a seguridade en San Xoán ante a previsión de falta de bombeiros

O grupo municipal do PP no Concello de Vigo esixiu este venres ao alcalde, Abel Caballero,...

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...