Soben os hospitalizados por Covid, un na UCI e seis máis en planta

A área de Vigo segue á cabeza de Galicia en número de casos, con 1.372.

Paciente con covid-19 na UCI / ANA VARELA - XUNTA - Arquivo.

Galicia alcanza os 5.056 casos activos de Covid-19 no inicio desta semana, que supoñen 277 máis que a xornada anterior, tras detectarse 415 novos contaxios –99 menos que o día pasado–, mentres que os pacientes hospitalizados por este coronavirus aumentan a 140 –26 máis–. Pola súa banda, a taxa de positividade baixa lixeiramente a un 6,33 por cento no conxunto da Comunidade galega.

Segundo os datos publicados na mañá deste luns pola Consellería de Sanidade con rexistros ata as 18,00 horas deste domingo, increméntanse a 26 as persoas ingresadas en UCI pola Covid-19 en Galicia –cinco máis– e a 114 as hospitalizadas noutras unidades –21 máis–, mentres que 4.916 pacientes permanecen en seguimento no seu domicilio. Por áreas sanitarias, na de Vigo soben a sete os críticos –un máis– e a 26 os hospitalizados noutras unidades –seis máis–.

MÁIS DE 1.370 CASOS

Os casos activos superan os 5.000 no conxunto de Galicia a piques de concluír o mes de novembro ao situarse nos 5.056, que supoñen 277 máis que a xornada anterior, ao haber máis contaxios (415) que altas (137), ao que se engade un falecemento. 

De feito, as infeccións activas ascenden de novo nas sete áreas sanitarias galegas, coa de Ourense á cabeza (+88), seguida pola de Vigo (+47). Por tanto, con máis casos mantense a de Vigo, con 1.372.

DEIXAR UN COMENTARIO

Please enter your comment!
Please enter your name here