A dirección do IES A Sangriña da Guarda informou da suspensión das clases este venres debido á inundación de varias aulas e a danos rexistrados na cuberta polas fortes choivas das últimas horas.

Na noite deste xoves a dirección do centro comunicou a suspensión da actividade docente, que foi tamén confirmada a Europa Press pola Consellería de Cultura, Educación e Universidade.

Fontes do departamento autonómico explicaron que as choivas das últimas horas afectaron as obras que se están levando a cabo na cuberta do centro. “Xa se está en contacto coa empresa para arranxar a situación coa máxima celeridade e que se poidan retomar as clases o martes con normalidade”, apuntaron as mesmas fontes.