Galicia arrinca a última semana do mes de setembro con 33 novos contaxios de Covid-19 e os casos activos en descenso, ata situarse nos 1.207, mentres que os hospitalizados por este coronavirus mantéñense en 58 e a taxa de positividade segue nun un por cento.
Segundo os datos actualizados pola Consellería de Sanidade este luns, con rexistros ata as 18,00 do domingo, permanecen 17 persoas ingresadas en unidades de coidados intensivos e seguen 41 noutras unidades de hospitalización, mentres que 1.149 pacientes atópanse en seguimento domiciliario.
Por áreas sanitarias, a presión hospitalaria mantense sen cambios en cinco das sete. Así, na de Vigo ten dous pacientes covid en planta e outros dous en UCI.
MENOS CASOS ACTIVOS
Os casos activos seguen en descenso no conxunto de Galicia e sitúanse en 1.207, o que implica 103 menos que os da xornada anterior, ao haber máis altas (136) que contaxios (33), e non sumarse novas vítimas mortais. As infeccións activas baixaron nas sete áreas sanitarias galegas, coa de Viga baixando 19 casos e situándose con 242 contaxios activos.
NOVOS CONTAXIOS
A Comunidade galega comeza esta semana con 33 novos contaxios de Covid-19, o que supón dous máis que os 31 rexistrados este domingo, polo que seguen por baixo do medio centenar, tras os 58 do sábado. Deles, cinco corresponden á área de Vigo.
