InicioSociedadeA sanidade pública na área de Vigo é "insustentable", segundo a CIG

A sanidade pública na área de Vigo é “insustentable”, segundo a CIG

Denuncia que os centros de Oia e Pazos de Borbén están sen persoal facultativo no seu centro e derivando a asistencia urxente a Fornelos, que só ten un facultativo, ou á Guarda ou Redondela teñen carencia de persoal.

PUBLICADO O

- Advertisement -

As políticas de recortes en atención primaria, a fuga de persoal sanitario a outras comunidades e países, e as esixencias para o persoal sanitario derivadas da pandemia da covid-19 xeraron, segundo a CIG, “unha situación insustentable” nos centros de saúde da área sanitaria de Vigo.

O sindicato nacionalista denuncia nun comunicado, entre outros problemas, o funcionamento de centros ao 50 % do persoal sanitario por mor das vacacións, baixas ou permisos; listas de espera que superan os 15 días e mesmo chegan ao mes, persoal administrativo excedido polos trámites da plataforma Chave365 ou relacionados coa covid e a vacinación, aumento de situacións de violencia e agresións contra o persoal, ou axendas médicas que superan os 60 pacientes.

“A todo o anterior hai que sumar situacións particulares como a vivida onte no centro de saúde de Oia e Pazos de Borbén, sen persoal facultativo no seu centro e derivando a asistencia urxente a Fornelos, que só ten un facultativo, ou á Guarda ou Redondela, “centros con carencias de persoal e listas de espera de máis de 15 días”, engádese no comunicado.

Por todo iso, o sindicato volve esixir un cambio total nas políticas sanitarias en Galicia e que se dote de medios e persoal estable aos centros de traballo investindo en Atención Primaria, de modo que o persoal sanitario dispoña de tempo para ofrecer ?unha atención digna? aos pacientes.

ÚLTIMAS

Morre Ángel Cameselle, expresidente da xunta de persoal do Chuvi e exresponsable de Sanidade en CC.OO. Galicia

A Federación de Sanidade e Servizos Sociosanitarios de CC.OO. en Galicia confirmou nas últimas horas,...

OPINIÓN.- O Porto de Vigo: Motor do Crecemento e Desenvolvemento da Cidade

O porto de Vigo foi, sen dúbida, o principal responsable do crecemento e desenvolvemento...

O primeiro premio da Lotaría Nacional, dotado con 600.000 euros, cae no Porriño

O primeiro premio do sorteo da Lotaría Nacional celebrado este sábado, 19 de abril,...

Piden sete anos de cárcere para un home acusado de vender droga no bar que rexentaba en Vigo

Piden sete anos de cárcere para un home acusado de vender droga no bar...