O banco LGBTIQ+ , que se fixo coa participación dos alumnos e alumnas de Carpintería do IES Salvaterra, apareceu pintado nun novo acto de odio e vandalismo que tivo lugar na noite de onte.

Dende o Concello condenan estes actos de odio que “non teñen cabida nunha sociedade avanzada e plural como na que vivimos”. Dende concello, aseguran, o valor principal dunha sociedade debería ser a “tolerancia e o respecto á diversidade e as persoas”.

Estes actos vandálicos prodúcense ademais nun contexto de especial sensibilidade debido ao asesinato do mozo Samuel na Coruña, e no momento no que as autoridades deben dirimir se detrás do crime hai ou non unha motivación homóbofa.