O deterioro na infraestrutura da cociña do Álvaro Cunqueiro, hospital de nova construción e que foi inaugurado no ano 2015, provocou a necesidade de actuar urxentemente en varios espazos do recinto e que obriga á empresa concesionaria do hospital a ter que cerrar a instalación este verán, entre xullo e setembro.

Unha nota de prensa de CIG denunciou na primera semana do mes de xuño que a concesionaria do Álvaro Cunqueiro, a empresa catalana Arcasa, tomara a decisión de cubrir as necesidades de produción da cociña do hospital vigués dende Zaragoza e que a comida sería transportada en camións dende a capital aragonesa.

A denuncia do sindicato causou malestar na administración galega e na xerencia clínica do hospital vigués que, segundo fontes do sindicato, “aseguráronnos que se enteraron por nós da decisión da concesionaria”. A día de hoxe, a CIG non coñece se houbo un cambio definitivo de estratexia, aínda que “hai rumores de que a comida podería vir do Lucus Augusti”, explicou a Efe María do Tránsito Fernández, Secretaria Nacional de Cig Servicios.

Ademais, CIG-Saúde remitirá un escrito ao presidente da Xunta e ao conselleiro de Sanidade para reclamar a reversión da cociña do Hospital Álvaro Cunqueiro de Vigo e do seu persoal, despois de que o servizo se tivese que “paralizar” para a realización de obras de mellora “só 6 anos despois” da inauguración do hospital.

A COCIÑA DO HULA

Responsables de cociña e nutrición do Álvaro Cunqueiro visitaron nos últimos días o HULA en donde puideron comprobar de primera man o funcionamiento da cociña deste hospital público. Dende a Xunta de Galicia explican que o asunto se está estudando e todo apunta a que se resolverá nunha reunión do Consello da Xunta de Galicia, que podría ser o de mañá. A tarefa implica unha importante labor de loxística e de traballo que desenvolverá o persoal de cociña do HULA xa que terá que producir prácticamente tres veces máis do que cociñaba ata agora, segundo apuntan a Efe fuentes do hospital en Lugo.