O falecemento dun home de 92 anos con covid-19 no Complexo Hospitalario Universitario de Vigo (Chuvi) elevou a 2.411 as vítimas da pandemia en Galicia.
A Consellería de Sanidade comunicou o falecemento deste home este domingo tras dúas xornadas consecutivas nas que non informou de ningunha morte.
En concreto, este home de 92 anos, que fora diagnosticado de coronavirus, faleceu este sábado no Complexo Hospitalario Universitario de Vigo (Chuvi). Ademais, presentaba patoloxías previas.
