InicioSociedadeNormalidade e emoción na reapertura dos postos fronteirizos entre Galicia e Portugal

Normalidade e emoción na reapertura dos postos fronteirizos entre Galicia e Portugal

A Agrupación Europea de Cooperación Transfronteiriza (AECT) Río Miño pídelle á Xunta que "non poña máis paus ás rodas" tras reclamar o peche da fronteira polo peche perimetral de Galicia.

PUBLICADO O

- Advertisement -

A reapertura dos pasos fronteirizos entre Galicia e Portugal produciuse á unha da madrugada (medianoite no país veciño)deste sábado sen incidencias e as primeiras horas de circulación entre ambos os territorios transcorreron con normalidade e sen demasiado movemento de tráfico.

E é que o desbloqueo nos postos fronteirizos, pechados (salvo para casos xustificados) desde o pasado 31 de xaneiro, choca coa medida de peche perimetral que existe en Galicia debido á pandemia de Covid e, de feito, a Xunta remitiu unha carta ao ministro do Interior, Fernando Grande-Marlaska, para pedir que as autoridades españolas garantan os controis na entrada ao territorio.

Non comparte esta visión a Agrupación Europea de Cooperación Transfronteiriza (AECT) Río Miño, na que participa a Deputación de Pontevedra, que advirte de que a posición do goberno galego supón “pór máis paus nas rodas“, e lembra que a Xunta non ten competencias sobre as fronteiras exteriores. Este organismo de cooperación denunciou reiteradamente o bloqueo das comunicacións entre ambos os territorios e os prexuízos socioeconómicos para a poboación.

SIMBÓLICO REENCONTRO

Desde este sábado quedaron abertos, entre outros outros, os pasos de Tui, Tomiño, Salvaterra, Arbo, Verín ou Baltar. Precisamente, o rexedor de Baltar, José Antonio Alonso, protagonizou este sábado un simbólico reencontro co seu homólogo de Montealegre (Portugal), e expresou a súa satisfacción por que se restableceu o paso entre ambos os municipios.

Respecto diso, lembrou que os veciños destas zonas manteñen unha “relación histórica” e que tanto comercios como empresas sufriron ” moito” nos meses de peche, á vez que lamentou que decisións como esa son adoptadas “desde Madrid e Lisboa sen coñecer a realidade local”.

Mentres, o presidente da Cámara Municipal de Montealegre, Orlando Alves, afirmou que os ‘raianos’ estiveron “deprimidos espiritual, emocional e economicamente”. Así mesmo, proclamou que é “momento de retomar a esperanza” tras un “período negro”.

ÚLTIMAS

Stellantis Vigo e sindicatos acordan un ERE voluntario para un máximo de 80 traballadores e un ERTE de ata 75 xornadas

Tras varias xornadas de negociacións, a dirección da planta viguesa do grupo automobilístico Stellantis...

As redes sociais e a súa influencia na percepción da corrupción política: unha análise do caso galego

A relación entre as redes sociais e a percepción da corrupción política é un...

A Nubeira, novo centro social en Vigo para o tecido asociativo da cidade

O Centro Social A Nubeira comezará a súa actividade este sábado 15 de febreiro....

A mellor “xogada do Celta” non foi só na remontada contra o Betis

O paso dos neofascistas seareiros do Betis deron que falar ese fin de semana...