InicioSociedadeMenos pacientes nos hospitais a pesar de que seguen subindo os casos...

Menos pacientes nos hospitais a pesar de que seguen subindo os casos covid na área de Vigo

Seguen oito pacientes con este coronavirus en UCI e descenden a 29 os doutras unidades --catro menos-.

PUBLICADO O

Os novos contaxios de Covid-19 disparáronse en Galicia ata os 253, o que supón unha trintena máis que a xornada anterior, mentres que os casos activos manteñen a súa tendencia ascendente por terceira xornada consecutiva e alcanzan os 2.939, e os pacientes ingresados descenden a 199, cinco menos.

Así se desprende dos datos actualizados na mañá deste venres pola mañá pola Consellería de Sanidade con rexistros ata as 18,00 horas deste xoves, nos que se indica que hai 43 pacientes Covid en UCI na Comunidade galega, dúas máis, e 156 noutras unidades, sete menos.

Por áreas sanitarias, a presión hospitalaria aumenta lixeiramente nas da Coruña e Cee e Ourense, mentres que se alivia nas de Pontevedra e O Salnés, Lugo e Vigo. Na de Vigo seguen oito pacientes con este coronavirus en UCI e descenden a 29 os doutras unidades –catro menos-.

MÁIS CASOS ACTIVOS

Pola súa banda, os casos activos no conxunto de Galicia aumentaron por terceira xornada consecutiva. En Vigo soben en 34. Deste xeito, a área de Vigo prosegue á cabeza en infeccións activas con 823

CONTAXIOS EN AUMENTO

No relativo aos novos contaxios disparáronse aos 253, tras superar a barreira dos 200 na xornada anterior con 220, despois de empezar esta semana con 154, baixar a 131 o martes e subir a 188 o mércores. Galicia confirmou 226 positivos por PCR nas últimas 24 horas, dos que 82 corresponden á área de Vigo.

Pola súa banda, a taxa de positividade descendeu lixeiramente a un 2,8 por cento, tras repuntar a un 3,2% o xoves despois de situarse nun 2,3% a xornada anterior e iniciar a semana cun 1,2%. Deste xeito, segue por baixo do 5% que a Organización Mundial da Saúde (OMS) fixa para dar por controlada a pandemia.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...