A Administración galega activou a construción dunha senda peonil que transcorrerá paralela á estrada que une Moureira e Palmás, en Moaña.
A actuación, que recibiu luz verde no Consello da Xunta deste xoves, conta cun orzamento de case 1,7 millóns de euros, entre os que se inclúen os pagos das expropiacións para a súa execución e que tamén iniciaron a súa tramitación.
As obras enmárcanse no plan de sendas da comarca do Morrazo, que inclúe o desenvolvemento de oito itinerarios seguros a través dun investimento de máis de 4,5 millóns de euros.
Finalmente, segundo destaca a Xunta, a intervención está coordinada co proxecto para a eliminación dun tramo de concentración de accidentes en Domaio que conta cun prespuesto de máis de medio millón de euros.
