InicioSociedadeBaixan os pacientes covid en UCI pero soben os novos contaxios

Baixan os pacientes covid en UCI pero soben os novos contaxios

No último día houbo 62 novos contaxiados.

PUBLICADO O

Os pacientes con Covid-19 hospitalizados en Galicia seguen en descenso, con 48 menos, ata os 586, deles 121 en UCI –doce menos–. Tamén se mantén a tendencia descendente nos casos activos de coronavirus, que se sitúan en 6.772 unha xornada antes de que se inicie a desescalada progresiva co alivio de medidas en Galicia.

Así se desprende dos datos actualizados na mañá deste xoves pola Consellería de Sanidade con rexistros ata as 18,00 horas deste mércores, nos que se indica que, ademais dos 121 hospitalizados con UCI, hai 465 ingresados noutras unidades, o que supón 36 menos que a xornada anterior.

Os hospitalizados con coronavirus descenden en seis das sete áreas sanitarias galegas, entre elas a de Vigo onde caen a 18 os pacientes que están en críticos –tres menos– e a 53 os doutras unidades –dous menos–.

MENOS CASOS E MÁIS CONTAXIOS

Mentres, os casos activos de Covid-19 manteñen a tendencia descendente en Galicia e sitúanse en 6.772, o que implica 520 menos que os rexistrados ata a xornada anterior. A redución é xeneralizada nas sete áreas sanitarias, dúas das cales se manteñen por encima do milleiro de casos activos, entre elas a de Vigo, con 1.056.

Por contra, os novos contaxios diarios detectados por calquera tipo de proba repuntan lixeiramente ata os 320 –fronte aos 279 da xornada anterior–, deles 260 positivos confirmados por PCR nas últimas 24 horas. Destes últimos, 62 son da área de Vigo.

POSITIVIDADE E PCR

En canto á taxa de positividade –porcentaxe de infeccións por test PCR realizados– incrementouse a un 4,7 por cento, tras baixar a un 3,3 por cento o día anterior, polo que segue por baixo do 5% que a Organización Mundial da Saúde (OMS) marca como máximo para dar por controlada a pandemia.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...