Os pacientes hospitalizados con Covid-19 en Galicia aumentaron en 43, tras subir en seis os que se atopan en UCI e en 37 os que permanecen noutras unidades nunha xornada na que os contaxios diarios caen a 525 –cifra á que non se descendía desde principios de xaneiro, xa que o Día de Reis foron notificados 590 positivos e non se baixou dese data ata agora–.

Así se reflicte nos datos publicados na mañá deste luns pola Consellería de Sanidade con rexistros ata as 18,00 horas deste domingo, nos que se constata que hai 254 pacientes con Covid-19 en UCI, seis máis, e 1.063 noutras unidades, 37 máis. Por áreas sanitarias, a de Vigo descende un paciente en críticos (29) pero aumentan a 145 os doutras unidades –nove máis–.

CASOS E POSITIVIDADE

Pola súa banda, a taxa de positividade –porcentaxe de infeccións por test PCR realizados– caeu a un 4% tras superar o 7% a xornada anterior, polo que por primeira vez desde o 24 de decembro Galicia baixa do 5% que marca a Organización Mundial da Saúde (OMS) para dar por controlada a pandemia.

Así, o novo de novos positivos en Vigo caeu a 74 na de Vigo polo que o número de casos activos baixa de 3.000 e é xa de 2.932.