Outra vez o número de falecidos en Galicia é dos máis altos da pandemia. Desta volta, o Sergas comunicou 28, 12 menos que este luns, o récord da pandemia e, como en días anteriores, tamén faleceron nos últimos días, entre o 22 e o 2 de febreiro. En total, o número de decesos pola covid en Galicia é xa de 1.843 persoas.
Como en días anteriores, A Coruña segue sendo a provincia máis afectada, especialmente, as áreas sanitarias da Coruña, Ferrol e Santiago. En total son 15 os falecidos. Depois está a área de Ourense e Verín, con seis; a de Vigo, con tres mortos e finalmente, a de Lugo, con dous. Sete dos mortos procedían de residencias de anciáns.
En Vigo, os falecidos son un home de 100 anos que morreu na residencia Paz e Ben de Tui e unha muller e un home de 85 anos que morreronno Chuvi.
