Os centros educativos galegos superaron un día máis o máximo de contaxios rexistrado en todo o curso. Os positivos por COVID-19 nestas instalacións alcanzan xa os 3.725, case un cento máis que o venres e preto de mil máis que hai unha semana. Esta situación obriga a manter pechadas polo menos 184 aulas por decreto da autoridade sanitaria, unhas 24 máis, ademais dun total de sete escolas infantís e un centro de educación especial.

Os centros da área de Vigo, pola súa banda, sitúanse en 684 contaxios, unha decena máis, ademais dunhas 57 unidades e unha escola clausuradas.