As mortes pola pandemia en Galicia sitúanse en 1.599 tras rexistrarse este venres o falecemento doutras 15 persoas que foran diagnosticadas con covid-19, entre eles un home de 46 anos que non tiña patoloxías previas.

Segundo comunicou este venres a Consellería de Sanidade, o resto dos falecidos si presentaban outras patoloxías, entre os que se inclúen seis usuarios de residencias de maiores. 

No Complexo Hospitalario Universitario de Vigo (CHUVI) faleceu un home de 64 anos, outro de 95 procedente da residencia Paz y Bien de Tui), e unha muller de 90 usuaria da residencia Las Angélicas de Vigo.