O Chuvi rexistrou este domingo a morte dunha muller de 89 anos que procedía da Residencia Paz y Bien de Tui. É a única vítima rexistrada nas últimas horas na área sanitaria de Vigo nun día na que a provincia da Coruña é a máis afectada
Alí xa se comezou a notar xa o incremento da presión hospitalaria pola covid e, de feito, é a que máis mortes está a rexistrar por mor da pandemia. Só nas últimas horas faleceron sete pesoas. Delas, dous homes de 74 e 85 anos no Chus de Santiago. Tamén faleceron outras dúas persoas, unha muller de 84 e un home de 88 no Chuf de Ferrol que este sábado tivo que derivar pacientes covid ao Lucus Augusti de Lugo polo aumento da presión hospitalaria.
No Chuac da Coruña tamén faleceron un home de 94 anos e unha muller de 93 e no Hospital Virxe da Xunqueira de Cee un home de 92. Todas as vítimas tiñan patoloxías previas. Con estes nove son xa 1.512 os falecidos pola covid en Galicia.
