As mortes pola pandemia elévanse a 1.436 en Galicia despois da notificación por parte das autoridades sanitarias de cinco novos falecementos con covid-19 nas últimas horas, un máis que o día de Reis. Todas as persoas presentaban patoloxías previas.

Segundo informou a Consellería de Sanidade, unha muller de 80 anos morreu no seu domicilio do Concello de Bande. Por outra banda, o Complexo Hospitalario Universitario de Vigo (Chuvi) rexistrou tres falecidos, un home de 86 anos, de 88 anos e 65 anos. Por outra banda, faleceu en Pontevedra unha muller de 85 anos.