Galicia rexistrou outro cinco falecementos relacionados coa pandemia de covid-19, que ata o momento deixa un balance de 1.414 vítimas mortais, un deles, en Vigo.

Segundo informaron este domingo as autoridades sanitarias, nas últimas horas perderon a vida cinco persoas diagnosticadas con coronavirus. Todas tiñan patoloxías previas.

Unha delas, unha muller de 93 anos de idade, faleceu na Residencia Santa Teresa de Jornet da Coruña; mentres que os catro óbitos restantes producíronse en hospitais.

No CHUS de Santiago déronse tres destas mortes: un home de 94 anos e dúas mulleres de 91 e 86 anos, respectivamente. A última das vítimas, un home de 87 anos, foi no hospital Povisa de Vigo.