A Consellería de Sanidade notificou na xornada deste domingo un único falecido por coronavirus, o que implica a menor cifra de mortos diarios desde o pasado 24 de outubro, hai máis de dous meses.
En concreto, a nova vítima rexistrouse no Hospital Povisa de Vigo. Trátase dunha muller de 82 anos que fora diagnosticada de covid-19 e que contaba con patoloxías previas.
Con ela, o cómputo global de mortos que deixa a pandemia do coronavirus na Comunidade galega elevouse a 1.370.
O feito de que Sanidade soamente notificase un falecemento por coronavirus significa que este domingo, precisamente o día no que Galicia e a Unión Europea iniciou a campaña de vacinación contra a covid-19, é a xornada de menor falecidos desde o 24 de outubro.