Os contaxios de Covid-19 seguen en descenso en Galicia tras sumar 409, deles 388 confirmados por PCR nas últimas 24 horas, fronte aos 489 do luns. Tamén os casos activos baixan a 9.060, medio centenar menor que a xornada anterior.

Concretamente na área de Vigo, confirmáronse 97 contaxios por PCR nas últimas 24 horas, e mantense así como a área na que máis aumentan os casos de coronavirus. No tocante aos casos activos, na área sanitaria de Vigo caen a 2.347, 14 menos que este luns.

Ademais, as persoas ingresadas con coronavirus baixan a 105 os ingresados  –dous menos que este luns–, deles 23 en UCI –dous menos– e 82 noutras unidades. Ata a data curáronse nesta área 5.876 persoas e realizáronse 161.737 PCR.