Galicia rexistra o falecemento de sete persoas con coronavirus nas últimas horas, de forma que o total de mortes ascende a 1.046 desde o comezo da pandemia.
Esta cifra supón un descenso respecto dos 21 falecidos notificados o luns pola Consellería de Sanidade, así como en comparación co martes e mércores –con 15 mortes cada un dos dous días–.
Deste sete persoas, tres estaban relacionadas con residencias: un home de 82 anos, falecido no Chuvi de Vigo –procedente da residencia de Ballesol–; unha muller de 77 anos, tamén no Chuvi –procedente da residencia de Salvaterra de Miño–; e unha muller de 87 anos, no hospital do Salnés –procedente da DomusVI de Ribadumia–.
A lista de falecidos este xoves complétase cun home de 80 anos, no Chuac da Coruña; un home de 82 anos, no Chuvi; unha muller de 88 anos, no CHUS de Santiago; e un home de 74 anos falecido no seu domicilio no Concello de Crecente.
Segundo informa a Consellería de Sanidade os sete falecidos con coronavirus contaban con patoloxías previas.