Un positivo detectado nun instituto de Tui obrigou a pór en corentena a todos os alumnos da ruta escolar que conecta a este municipio e Salceda de Caselas.

Fontes municipais indicaron que a medida afecta tamén á clase na que cursa estudos o mozo.

A situación afecta a alumnos dun total de dous institutos, en concreto ao IES Indalecio Pérez Tizón e o IES San Paio, que son os que comparten este transporte en autobús (preto de 50).

O primeiro deles é o único que conta, de momento, con casos positivos por COVID-19, cun total de tres casos segundo o último parte facilitado pola Xunta.