O Concello de Tomiño celebrará este xoves, día 24, un pleno ordinario no que, entre outros temas, debaterase a aprobación dun proxecto piloto de mobilidade transfronteiriza no que as bicicletas eléctricas serán as protagonistas.
Deste xeito, a través dun protocolo de colaboración, o Agrupamento de Cooperación Territorial do Río Miño (AECT Rio Minho) quere implantar un sistema para compartir bicicletas eléctricas para fomentar a mobilidade sustentable entre os concellos da ‘raia’.
O proxecto contará coa instalación dunha estación de aparcadoiro virtual en Tomiño e Cerveira e un total de entre 10 e 15 bicis eléctricas con GPS incorporado, que se poderán usar de forma compartida para circular exclusivamente no territorio da Eurocidade. Esta iniciativa leva a cabo ao amparo do proxecto Smart Minho, cofinanciado polo programa INTERREG VAI. O Concello investirá nesta iniciativa piloto un total de 7.500 euros.
