InicioSociedadeA área de Vigo ten xa 344 contaxios por coronavirus

A área de Vigo ten xa 344 contaxios por coronavirus

PUBLICADO O

Galicia detectou 252 novos positivos por coronavirus nas últimas 24 horas e o total de casos activos incrementouse en 38, ata situarse en 4.175, de acordo cos datos deste domingo da Consellería de Sanidade, tomados na tarde deste sábado. O último parte recolle que se curaron na Comunidade galega un total de 13.649 persoas, que son 211 máis das que constaban o sábado.

O número de mortos é de 659, tres máis dos que figuraban na actualización anterior, tras informarse na tarde do venres do falecemento de tres persoas que estaban ingresadas no Hospital Lucus Augusti, en Lugo, dous delas relacionadas coa residencia de maiores do Incio.

Por áreas sanitarias, a da Coruña mantense como a que rexistra un maior número de casos activos, con 1.424. No entanto, é a única na que se rexistra un descenso, posto que son 22 menos que onte se se teñen en conta o número de recuperados. En Lugo, onde o número de pacientes que están a pasar actualmente a infección é de 810, a cifra de novos positivos foi de 46, pero recuperáronse 38.

No caso de Santiago, o incremento é de 11 casos activos, ata un total de 688; mentres que en Ourense alcánzanse os 429 –12 máis–; en Vigo son 344 –sete máis restándolle xa o número de recuperados o sábado–; en Pontevedra sitúanse en 323 –15 máis, a subida máis acusada entre as áreas–; e en Ferrol soben ata 157 –nove máis–. Os datos facilitados pola Xunta sinalan que se realizaron un total de 363.957 probas PCR na Comunidade ata o momento, cifra que supera en 4.902 a deste sábado.

ÚLTIMAS

Feministas católicas sean este domingo ás rúas de Vigo para reclamar que as mulleres teñan “voz e voto” na Igrexa

Feministas católicas da Revolta de Mulleres na Igrexa sairán este domingo 3 de marzo ás...

Remolcan ao porto de Vigo ao portacontedores ‘MSC Katyanyi’

O portacontedores 'MSC Katyayni,', que navega baixo bandeira de Panamá, está a ser remolcado...

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións, Alfonso Rueda, destacou este venres a importancia de...

Miguel Martín asume a portavocía do grupo municipal do PP en Vigo, tras a saída de Fernández-Tapias

O grupo municipal do PP no Concello de Vigo designou a Miguel Martín como...