InicioSociedadeAs Anpas viguesas acusan á Xunta de obrigar ás familias a "elixir...

As Anpas viguesas acusan á Xunta de obrigar ás familias a “elixir entre educación e saúde”

"Os nosos fillos non son cobaias. Esta é unha situación moi triste e igual temos que tomar outras iniciativas que non van ser agradables", anticiparon desde as ANPAS viguesas.

PUBLICADO O

A Federación Olívica de Anpas, FOANPAS, acusou este venres á Xunta de obrigar ás familias para “elixir entre educación e saúde”, ao non garantir protocolos claros e individuais para cada centro para a volta ás aulas, e constataron que a administración mirou ” para outro lado” e fixo “oídos xordos” ás súas reclamacións.

Nunha rolda de prensa celebrada en Vigo, varios representantes de Anpas da cidade, así como da propia Federación, trasladaron o seu malestar porque, cumprido o prazo que lle daban á Consellería de Educación, esta non respondeu ás súas demandas de que cada centro teña os recursos necesarios para adaptarse á pandemia, de dotar aos colexios de persoal de enfermería, ou de superevisar para cada un deles un protocolo de seguridade sanitaria que atenda ás súas especificidades.

A ese respecto, ratificaron o ‘plante’ dos servizos chamados complementarios, como son a xestión das aulas matinais, os comedores e actividades extraescolares, e volveron a insistir en que eses servizos, que “deben considerarse educativos”, son responsabilidade da Xunta, aínda que esta non os asuma.

“Non podemos aceptar que nos obriguen a elixir entre a educación e a saúde dos nosos fillos. Non lles importa a presión de non poder conciliar, ou que haxa xente, como os monitores destes servizos, que se van a quedar sen traballar“, lamentou Pedro Castañón, do Anpa do CEIP Escultor Acuña.

As Anpas tamén denunciaron que a administración galega ha establecido un protocolo “co que non están de acordo nin os que o fixeron” e constatou que, coas medidas propostas, “non haberá diferenzas entre unha aula agora e unha de antes da pandemia”, segundo sinalou Teresa Carballo, do CEIP Castelao.

Na mesma liña pronunciáronse as representantes das Anpas dos colexios Ría de Vigo e Paraixal que, tras lamentar que a administración mirou ” para outro lado” en lugar de escoitar ás familias, acusaron á Xunta de pretender “descargar toda a responsabilidade” do que poida ocorrer nos servizos complementarios sobre as Anpas. “Non a imos a asumir, non aceptamos experimentos, non aceptamos o de ‘empezar a ver como vai'”, advertiu Rute Pallarés.

VOLTA EN CONDICIÓNS DIGNAS

A portavoz de Foanpas, Bertila Fernández, subliñou que os nenos “ten que volver ás aulas en condicións dignas”, e instou á administración para poñer os recursos necesarios para que haxa máis espazos, máis profesores e todo o material preciso.

“Os nosos fillos non son cobaias. Esta é unha situación moi triste e igual temos que tomar outras iniciativas que non van ser agradables”, anticipou.

Pola súa banda, o presidente da Federación, Miguel Álvarez, sinalou que as Anpas apostan por unha volta a clase plenamente presencial, e con todas as garantías, á vez que criticou a “propaganda” do goberno galego, con visitas a colexios, cando o que subxace é unha gran “provisionalidade”. “A administración debería anticiparse. Teñen que ‘poñer as pilas’ porque as familias viven unha gran incerteza”, sentenciou.

ÚLTIMAS

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...

Outro accidente múltiple no túnel da Madroa causa retencións na AP-9 en Vigo

Un accidente múltiple rexistrado á primeira hora deste xoves na AP-9 causou importantes retencións no...