InicioSociedadeA Xunta contacta con case mil familias da área de Vigo para...

A Xunta contacta con case mil familias da área de Vigo para o abonar a bolsa de comedor das escolas infantís

PUBLICADO O

- Advertisement -

A Xunta contactou con 979 familias da área de Vigo para solicitarlles a súa visto e prace para recibir a bolsa de comedor durante a suspensión de actividade das escolas infantís debido á pandemia de coronavirus. Unha chamada que ten lugar a mes e medio das eleccións galegas convocadas por Feijóo para o 12 de julio.

Segundo comunicou a administración autonómica, a estas familias remitíuselles un correo electrónico no que se lles require, como único trámite para percibir esas axudas, estar ao corrente das súas obrigacións tributarias e sociais, e unha autorización para consultar os datos bancarios.

A maior porcentaxe de beneficiarias das bolsas concéntranse na cidade de Vigo (402) e correspóndense con familias que teñen aos seus nenos nas escolas infantís da rúa Palencia, Valadares, Bouzas, Caeiro, Relfas, Rosalía de Castro e San Paio.

No Val Miñor hai 154 familias beneficiarias, con menores inscritos nas escolas de Baiona, Gondomar e Nigrán; e no Morrazo son 107, das escolas da Choupana e Hío (Cangas) e Moaña. En Mos, O Porriño, Salceda de Caselas, Salvaterra, Soutomaior e Redondela contactouse con outras 318 familias.

As familias beneficiarias desta bolsa de comedor son aquelas que fan uso do servizo en escolas infantís (de 0 a 3 anos) da Xunta, nunha praza concertada nalgunha escola privada ou aquelas que perciben unha axuda de comedor a través do Bono Concilia.

A contía concedida é unha compensación pola bonificación que tiñan concedida no custo diario do menú dos días lectivos nos que estivo suspendida a actividade nas escolas. As familias con renda mensual menor de 403 euros recibirán 2,5 euros ao día; as que teñen unha renda mensual de entre 403 e 672 euros recibirán unha bolsa de 1,5 euros ao día.

O primeiro pago será o correspondente aos días lectivos transcorridos ata ese momento, pero poderá haber pagos sucesivos en función dos días que se suspendan en eventuais prórrogas.

ÚLTIMAS

Enfróntase a máis de 16 anos de cárcere acusado de violar e roubar a unha muller á de traballar dun hospital de Vigo

A sección quinta da Audiencia Provincial de Pontevedra, con sede en Vigo, xulgará o vindeiro...

Os servizos emerxencias traballan na extinción dun incendio nun cortello da avenida Ricardo Mella

Os servizos de emerxencias traballan na extinción dun incendio declarado nun cortello da avenida...

Detido en Vigo un home por dous ataques consecutivos á Policía Local nun só día

Axentes da Policía Local de Vigo detiveron a un cidadán estranxeiro, A.M., de 30...

Detido en Vigo con haxix, cocaína e máis de 1.300 euros en efectivo

Axentes da Policía Local de Vigo detiveron a un home de 44 anos de...