A néboa rexistrada ao longo deste luns na Comunidade galega obrigou a desviar catro voos que se dirixían ao aeroporto de Peinador, en Vigo, e outros catro que tiñan previsto aterrar en Alvedro, na Coruña.

Diso informaron a Europa Press fontes de Aena, que explicaron que as ligazóns afectadas na terminal coruñesa procedían de Valencia, Sevilla, Madrid e Barcelona. Todos eles foron desviados a Santiago de Compostela.

Pola súa banda, en Vigo foron desviados a Santiago dous voos procedentes de Madrid e outro de Barcelona. Ademais, un cuarto voo que prevía despegar da capital do Estado foi cancelado.