Dos case 400 traballadores que o Hospital Vithas ten en Vigo e Pontevedra, os positivos en coronavirus sitúanse por baixo do 5%, que é o nivel de seroprevalenia na poboación xeral española a pesar de que os profesionais do hospital entran en contacto con pacientes de COVID-19.
Así se desprende dos datos do estudo de seroprevalencia feitos públicos este sábado por Vithas Vigo, o primeiro hospital galego en dar a coñecer o estudo realizado entre todos os seus traballadores, tanto asistenciais como non asistenciais.
Diso informou Vithas nun comunicado, no que sinala que esta iniciativa forma parte do plan ‘Hospital seguro’ que puxo en marcha nos 20 hospitais e 26 centros médicos de España. “Os resultados, moi inferiores aos coñecidos doutros hospitais españois, constatan que os centros de Vithas en Vigo e Pontevedra son seguros para todos os seus profesionais e usuarios”, sinala.
Do total de test realizados entre os preto de 400 traballadores, os positivos sitúanse por baixo do 5%. O Hospital Vithas Vigo destacou que é o primeiro centro sanitario de Galicia que fai públicos os resultados do seu estudo de prevalencia entre o persoal. Un estudo que tira datos “inferiores aos que se pu
