O Goberno Central fixou o importe máximo de venda ao público dos produtos antisépticos de pel sa autorizados pola Axencia Española de Medicamentos e Produtos Sanitarios ( AEMPS), para que os cidadáns poidan acceder en condicións económicas non abusivas a este produto de protección da saúde.
Os antisépticos de pel sa autorizados pola AEMPS, con demostrada eficacia virucida, terán un PVP (prezo venta público) máximo dependendo da cantidade que se adquira por envases:
- Ata 150 ml. o custe máximo será de 0,032 €/ ml
- De 151 ml. ata 300 ml., o custe máximo será de 0,023 €/ ml
- De 301 ml. ata 1.000 ml., o custe máximo será de 0,015 €/ ml
Prezos con IVE incluído ou, no seu caso, o imposto de recarga equivalente correspondente.
Deste xeito o prezo máximo que poden cobrarte pola adquisición dun antiséptico sería:
- Envase 150ml un prezo máximo de 4,8€
- Envase de 300ml un prezo máximo de 6,9€
- Envase de 500 ml un prezo máximo de 7,5€
- Envase de 1000ml un prezo máximo de 15€
Así o acordou a Comisión Interministerial de Prezos dos Medicamentos ( CIPM), órgano colexiado do Ministerio de Sanidade, na súa reunión do pasado 28 de abril.
A CIPM tamén acordou realizar unha revisión á alza do prezo dos xeles e as solucións hidroalcohólicas con autorización temporal da AEMPS. O PVP máximo estableceuse hai uns días e agora revísase para facilitar a dispoñibilidade destes produtos. Tal e como indica a Resolución do 22 de abril de 2020, os “importes máximos quedan suxeitos a futuras revisións por esta Comisión, atendendo á evolución dos prezos de mercado”.
Desta maneira, os formatos de:
- Ata 150 ml., o custe máximo será de 0,025 €/ ml.
- De 151 ml. ata 300 ml., o custe máximo será de 0,021 €/ ml.
- De 301 e ata 1.000 ml., o custe máismo será de 0,0015 €/ml.
Según isto os prezos máximos que deberían cobrarte por un xel hidroálcólico sería de:
- Envase 150ml un prezo máximo de 3,75€
- Envase de 300ml un prezo máximo de 6,3€
- Envase de 500 ml un prezo máximo de 7,5€
- Envase de 1000ml un prezo máximo de 15€
Estes prezos, que se publicarán no BOE a través dunha resolución nos próximos días, forman parte das medidas excepcionais para garantir o acceso da poboación aos produtos de uso recomendados como medidas hixiénicas para a prevención de contagios polo COVID-19, que estableceu a Orde SND/354/2020.