O Concello do Rosal fai un chamamento á veciñanza ante a situación de emerxencia debido ao coronavirus para que avisen de persoas nunha situación máis vulnerable co fin de pór en marcha as “medidas de axuda necesarias”.

Segundo informou o Concello nun comunicado, pide aos veciños que se coñecen a persoas do municipio que poidan estar nunha situación de vulnerabilidade a raíz do estado de alarma derivado do Covid-19, o poñan en coñecemento do Consistorio.

En concreto, inclúe persoas maiores que vivan soas, as que pertenzan a colectivos de risco ou que necesiten axuda. Para iso facilita o Concello o teléfono 986 62 50 00 de luns a venres de 9,00 a 14,00 horas.

“Agradecemos toda a colaboración e solidariedade dos veciños do Rosal, tan necesaria nesta situación de alerta sanitaria”, conclúe o Concello.