O Concello de Vigo abrirá un proceso de información interna para aclarar os motivos polos que axentes da Policía Local identificaron a varias persoas que realizaron unha actuación no marco da manifestación celebrada para conmemorar o Día da Muller.
Segundo trasladou o goberno local nun comunicado, os feitos tiveron lugar este domingo na contorna da confluencia das rúas Urzáiz e Príncipe, onde varias mulleres levaron a cabo unha ‘performance’ denominada ‘Un violador no teu camiño’.
Deste xeito, o goberno local detallou que se esperará o resultado deste proceso de información interna e eloxiou a celebración do espectáculo vangardista. Así mesmo, a formación Marea de Vigo-En Común presentou no rexistro municipal un escrito co obxectivo de coñecer detalles sobre o contexto no que se identificou a estas mulleres.
As críticas a estas indentificacións, das que membros do executivo local socialista dixeron descoñecer e amosaron a súa sorpresa, circularon por redes sociais tras a manifestación do 8M en Vigo.
Hoy, 8M en Vigo, la policía local obligando a las manifestantes a mostrar el DNI. pic.twitter.com/ACgOXhW2Jk
— Lucio Martínez Pereda (@anluma99) March 8, 2020
