A Xunta empezará a próxima semana e de maneira progresiva co traslado dos tres xulgados de Tui ao novo edificio xudicial, co obxectivo de terminar o cambio en dúas semanas.

Segundo informou o Goberno galego nun comunicado, os traballos comezarán co traslado do Xulgado de Primeira Instancia e Instrución Número 2, seguido do Rexistro Civil e o Xulgados Número 3 e Número 1.

O novo edificio xudicial de Tui, no que a Xunta investiu 3 millóns de euros, conta cunha superficie de 1.500 metros cadrados. Esta construción concentrará os tres xulgados e tres salas de vistas “con mellores condicións” que as anteriores.

O Goberno autonómico tamén sinalou que a obra está dentro do Plan de Infraestruturas Xudiciais iniciado en 2010 para “mellorar as instalacións xudiciais” galegas e no que leva investidos máis de 115 millóns de euros.

Así, recalcou que a “maior” infraestrutura xudicial da Comunidade é a Cidade da Xustiza de Vigo, a cal albergará todas as dotacións xudiciais da cidade no antigo Hospital Xeral de Vigo e está enmarcada neste mesmo Plan.