InicioSociedadeA Deputación de Pontevedra cuestiona a legalidade da Cidade do Celta

A Deputación de Pontevedra cuestiona a legalidade da Cidade do Celta

Faino despois de que a alcaldesa popular de Mos acusase á Deputación de "filtrar" aos medios un informe negativo sobre a modificación do Plan Xeral deste municipio, necesario para permitir a construción da Cidade do Celta.

PUBLICADO O

A presidenta socialista da Deputación de Pontevedra, Carmela Silva, preguntouse se a alcaldesa ‘popular’ de Mos, Nidia Arévalo, “leva a cabo un proxecto (a Cidade Deportiva do R.C. Celta de Vigo) que técnicos doutras administracións din que incumpre a lei (vixente)”.

Así se pronunciou, preguntada tras un acto en Vigo, despois de que Arévalo acusase á Deputación Provincial de “filtrar” aos medios un informe negativo sobre a modificación do Plan Xeral deste municipio, necesario para permitir a construción da Cidade do Celta. De feito, a rexedora de Mos sinalou a posibilidade de que o documento estivese “dirixido” pola “estratexia do PSOE” contra este municipio.

Ante esta situación, a presidenta da Deputación de Pontevedra insistiu na necesidade de que os políticos “se midan” antes de realizar afirmacións baseadas en “mentiras”. De feito, resaltou a independencia política do informe da PXOM de Mos, que apunta a unha afectación da vía que conecta o Rebullón, O Meixoeiro e o campus universitario de Vigo, ao apuntar que estes documentos son elaborados por funcionarios da Administración.

Nese sentido, Carmela Silva volveu remarcar que o informe foi remitido á Xunta segundo o procedemento administrativo “vixente” despois de que a Consellería de Medio Ambiente, Territorio e Vivenda o solicitase no marco da información pública dun expediente que afecta directamente a unha estrada provincial.

Ademais, achacou as críticas da alcaldesa de Mos á “pequena” política que leva a cabo o PP nese e outros concellos e contrapúxoa á realizada polo PSOE, que, segundo asegurou, permite “mellorar a vida da cidadanía”.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...