InicioSociedadeA Xunta e o Celta únense na loita contra a violencia de...

A Xunta e o Celta únense na loita contra a violencia de xénero

O clube porá vídeos e cartelaría tanto no estadio como nas súas redes sociais, e organizará actividades especiais .

PUBLICADO O

- Advertisement -

A Xunta de Galicia, a través da secretaría xeral para o Deporte, e o Real Club Celta de Vigo asinaron este martes un convenio de colaboración para o desenvolvemento de medidas do Pacto de Estado contra a Violencia de Xénero.

O acordo foi ratificado en Vigo polo secretario xeral para o Deporte, José Ramón Lete Lasa, e polo presidente da entidade celeste, Carlos Mouriño, e servirá para que o club apoie a difusión dunha campaña de loita contra a violencia machista.

Así, a través da difusión de vídeos e cartelaría tanto no estadio como por medio das súas redes sociais, así como do desenvolvemento de actividades especiais (haberá unha iniciativa nese sentido no partido do próximo 3 de novembro ante o Xetafe), o Real Club Celta contribuirá a estender a mensaxe de que, ante esta violencia, a única resposta é “non”, achegando a súa imaxe, a dos xogadores e o corpo técnico nesa campaña.

Lete Lasa agradeceu a implicación do Celta nesta campaña, que permitirá unir “igualdade e deporte”, e incidiu en que o fútbol é “un escaparate extraordinario” para difundir esta mensaxe de rexeitamento á violencia de xénero. “Entre todos, este partido ímolo a gañar”, proclamou.

Pola súa banda, o vicepresidente da Xunta, Alfonso Rueda, que tamén estivo presente no acto de firma do acordo, incidiu na importancia de que, no marco desta loita, a xente nova e a sociedade en xeral teñan “modelos” e “referentes”, como poden ser os deportistas.

Finalmente, o presidente do Real Club Celta, Carlos Mouriño, comprometeu a implicación da entidade para pór fin a unha secuela que está “lacerando día a día” á sociedade, e sinalou que o club celeste “sempre estará aí” para pór o seu gran de area na batalla contra a “desigualdade, a discriminación de xénero, os homicidios e os malos tratos”.

ÚLTIMAS

Detido en República Dominicana un home condenado por violar e gravar a unha moza en Vigo tras fuxir de España

A Policía Nacional de República Dominicana detivo nas últimas horas a Miguel Ángel Wilson, de...

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...