InicioSociedadeDenuncian escaseza de ambulancias na área metropolitana de Vigo e a privatización...

Denuncian escaseza de ambulancias na área metropolitana de Vigo e a privatización do servizo

Critican que esta dediciencia está a ser paliada con empresas que non garanten os mínimos estándares de calidade.

PUBLICADO O

A Confederación Intersindical Galega (CIG) no servizo de ambulancias do 061 denunciou este martes que de vehículos dos que dispón a área metropolitana de Vigo son incapaces de satisfacer a crecente demanda, a cal está a ser paliada con empresas que non garanten os mínimos estándares de calidade.

“A demanda de asistencia na área de Vigo no período 2015-2019 aumentou un 20 por cento”, explicou Óscar Graña, delegado de CIG no Servizo Urxencias Sanitarias 061 en Cangas, quen aclarou que o 061 é unha fundación pública que subcontrata servizos e cada catro ou cinco anos licita con empresas concesionarias como se teñen que realizar eses servizos.

En consecuencia, o sindicato esperaba “un aumento de recursos” de cara ao concurso que se empeza a poñer en marcha o próximo 16 de outubro ata 2022, pero “a sorpresa” foi que se atopou con que o mesmo numero de ambulancias: seis de día e tres de noite ata o ano 2022.

“Ata onde imos chegar?”, pregúntase Graña, que a continuación explica que é o que fixo o 061 en lugar de aumentar o número de traballadores e ambulancias.

“O que fai é contratar empresas privadas que están fóra do concurso público, por tanto fóra do control e supervisión do 061″, denuncia.

“Concretamente en Vigo contrata a unha empresa de ambulancias que se chama COEXAM ( Coopertaiva Estremeña de Ambulancias) e que está a realizar todos os servizos que a rede de transporte sanitario en Vigo non pode asumir, e isto supón que a día de hoxe estas empresas fan o mesmo numero de servizos que unha ambulancia da rede de transporte sanitario público, non é un servizo puntual”, explicou.

Segundo Graña, esta solución é “irregular”, aínda que asegurou que “o verdadeiramente grave” é que esta empresa “usa vehículos de transporte para persoas de servizo programado” que non poden facer servizos urxentes como as ambulancias ao uso e ás que lles falta capacidade, material e persoal.

A CIG denuncia que nestes vehículos mesmo viaxa persoal que carece da titulación necesaria para realizar os labores que se requiren a bordo.

“Cando alguén chama ao 061 en Vigo, pode suceder que o servizo que se lle ofrece sexa por parte dunha empresa que envía unha ambulancia inadecuada, moitas veces cun só condutor que non pode facer ningún tipo de atención durante o traslado, e que ademais esa persoa non teña titulación sanitaria. Isto, que parece de tolos, sucede”, afirmou Graña.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...