A cruz do Castro de Vigo apareceu cuberta cunha pancarta reivindicativa en apoio aos bombeiros de Vigo, denunciando a situación crítica na que se atopa este corpo.

É unha nova expresión do conflito que os bombeiros manteñen co Goberno local para que lles mellores as condicións laborais, aumente o persoal e rebaixe a carga de horas.

A colocación da pancarta ten unha alta carga simbólica non só polo lugar elixido (a cruz) e o símbolo que a acompaña (unha cruz vermella), senón tamén por estar fronte ao Concello vigués, onde os bombeiros acudiron en numerosas ocasións para expresar ao alcalde o seu malestar polas precarias condicións nas que teñen que traballar.

Os bombeiros denuncian que “aínda non se publicaron as bases para a oposición de novas prazas, polo que seguimos sen bombeiros e sen data para o seu ingreso”.