O alcalde de Vigo, Abel Caballero, lamentou o peche da escola unitaria de Zamáns, motivada polo feito de que só contase con cinco matrículas para o próximo curso, e instou á Xunta a incrementar a oferta de prazas noutras zonas da cidade nas que, segundo afirmou, “hai unha enorme demanda“.

Nunha rolda de prensa que tivo lugar este martes en Vigo, o rexedor olívico insistiu na necesidade de prazas existente nas escolas que acollen o ciclo de 0 a 3 anos e asegurou que, cando se pecha un centro, débese abrir outro. Ademais, chamou ao Goberno galego a baixar o prezo das súas escolas infantís xa que, segundo denunciou, é “prohibitivo” para algunhas familias.