InicioSociedadeOs médicos dimisionarios de Vigo ven "insuficiente" a resposta do Sergas ás...

Os médicos dimisionarios de Vigo ven “insuficiente” a resposta do Sergas ás súas reivindicacións

Denuncian que persiste a situación de sobrecarga asistencial.

PUBLICADO O

Os xefes de Unidade e Sevicio da área sanitaria de Vigo que presentaron a súa dimisión o pasado marzo advertiron de que consideran “insuficiente” a resposta do Sergas ante as súas reivindicacións para solucionar a situación de sobrecarga asistencial, que, segundo apuntaron, permanece vixente.

Os médicos valoraron a substitución do xerente da Estrutura Organizativa de Xestión Integrada (EOXI) de Vigo, Félix Rubial, polo seu homólogo na área sanitaria de Ourense e incidiron en que, deste xeito, se abriu unha “oportunidade” de “diálogo”.

Ademais, afirmaron que manteñen unha “actitude negociadora” a pesar de que a Xunta non respondese o burofax remitido tras a finalización da folga realizada en maio nos centros de Atención Primaria da área de Vigo.

Tamén definiron como “primordial” a súa adhesión á Asemblea de Áreas Sanitarias e a súa relación con esta, que consideraron como un “foro de debate” dos profesionais dos centros galegos de Atención Primaria.

Os ex xefes de Servizo e Unidade sinalaron así mesmo que permanecen á espera da resposta da administración ao ditame das comisións do Consello Xeral de Colexios Médicos de Galicia e do Colexio Médico de Pontevedra.

Tamén apuntaron que continúan o proceso de reclamación ante a Inspección de Traballo e Seguridade Social debido ás súas condicións laborais.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...