InicioSociedadeO Sergas defende a súa xestión das PACs na área sanitaria de...

O Sergas defende a súa xestión das PACs na área sanitaria de Vigo

O Sergas respondeu ás protestas dos médicos e enfermeiros dos Puntos de Atención Continuada (PAC) da área sanitaria de Vigo que "está a realizar un esforzo organizativo e orzamentario", polo que nos últimos anos incrementou o persoal nalgúns PACs e "este ano está a traballar" para aumentalo naqueles que non están completos.

PUBLICADO O

- Advertisement -

O Sergas respondeu ás protestas dos médicos e enfermeiros dos Puntos de Atención Continuada (PAC) da área sanitaria de Vigo que “está a realizar un esforzo organizativo e orzamentario”, polo que nos últimos anos incrementou o persoal nalgúns PACs e “este ano está a traballar” para aumentalo naqueles que non están completos.

En concreto, manifestou que desde 2015 se incrementou o cadro de persoal nos PACs de Tui e O Porriño; que durante case un ano tamén se reforzou o PAC de Cangas; e que este ano se está negociando para incrementar o persoal sanitario (médicos e enfermeiras) de equipos que non están completos, como nos PACs de Redondela e A Guarda.

En canto ás denuncias do persoal polas altas cargas de traballo en quendas de entre 17 e 20 horas, o Sergas indicou que, “de media, un medico dun PAC realiza sete ou oito xornadas ao mes”, o que supón que “traballa unhas 140 horas mensuais”.

En canto ás substitucións das ausencias, que se teñen que cubrir ao 100%, manifestou que hai “imposibilidade de contratación, dado que non hai médicos nas listas de substitucións”. Por iso, indicou que ofreceu aos profesionais realizar máis horas “de forma voluntaria e retribuida” durante Semana Santa e no verán, pero en ambos os casos “foi rexeitada”.

Ante estas circunstancias, o Sergas incidiu en que está “a estudar medidas para garantir a cobertura da poboación e o goce das vacacións”.

Finalmente, sobre os residentes que finalizan este ano, dos que o persoal da PAC dixo que non se sabe “cantos se van quedar en Vigo porque non ofrecen contratos dignos”, o Sergas avanzou que fixo unha oferta aos 12 médicos de familia que rematan a especialidade e propúxolles un contrato con actividade estable todo o ano, ante o que aínda está “a esperar resposta”.

REIVINDICACIÓNS DO PERSOAL

Persoal dos Puntos de Atención Continuada da área sanitaria de Vigo concentráronse este martes ante a sede do Sergas en Vigo para denunciar a “diminución de cadro” e unhas cargas de traballo “cada vez máis grandes”, e avisar de que se lles obrigan a traballar máis horas, non garanten poder prestar “unha atención adecuada a nivel sanitario”.

O portavoz do colectivo e médico da PAC de Tui, Carlos Gabián, lembrou que en 2008 o Sergas e os traballadores chegaron a un acordo sobre as súas condicións que agora “incumpre” a Administración autonómica, polo que esixen que o respecte.

ÚLTIMAS

Caballero “tende a man” a Rueda e pide un encontro

O alcalde de Vigo, Abel Caballero, pediu un encontro co presidente da Xunta, Alfonso Rueda, para...

O CEO de Stellantis avisa dunha ballata “moi dura” coas marchas chinesas de vehículos

O conselleiro delegado (CEO) de Stellantis, Carlos Tavares, lanzou unha advertencia contra as autoridades...

O Concello media coa compañía eléctrica para que reactive a luz á familia do Calvario con dous fillos menores

Os servizos sociais do Concello de Vigo mediaron coa compañía eléctrica para solicitar a reactivación da...

Tanxugeiras interpretarán o himno galego no encontro da selección galega contra Panamá en Vigo

Tanxugueiras serán as encargadas de pór voz ao himno galego no regreso da Selección...