InicioSociedadeO cuarto mandato de Abel Caballero arrinca con protestas: "Menos dinosetos e...

O cuarto mandato de Abel Caballero arrinca con protestas: “Menos dinosetos e máis bombeiros”

Un grupo de bombeiros concentrouse na Praza do Rei, ás portas do auditorio municipal onde se celebraba o pleno de constitución da Corporación e a investidura do alcalde.

PUBLICADO O

- Advertisement -

Un grupo de bombeiros de Vigo protagonizou este sábado unha protesta na Praza do Rei, ás portas do auditorio municipal onde se ía a celebrar, minutos despois, o pleno de constitución da Corporación e o acto de investidura do alcalde, Abel Caballero.

Uns 20 funcionarios, que portaban pancartas con lemas como “Vigo non ten bombeiros”, concentráronse e representaron o seu enfado co goberno vigués coa queima simbólica ‘ao bonzo’ dun deles, mentres berraban consignas como “Bombeiros explotados” ou “Menos dinosetos e máis bombeiros”.

A protesta deste sábado é un capítulo máis das mobilizacións que os bombeiros da cidade olívica levan a cabo desde hai meses para reclamar máis efectivos. Así, segundo lembrou o delegado da CIG, Miguel Uclés, os bombeiros de Vigo sofren a “imposición” dun “decreto ilegal” que lles obriga a facer xornadas de ata 14 horas por falta de persoal.

Uclés denunciou que os bombeiros “caen” por problemas físicos e psicolóxicos derivados da sobrecarga de traballo e do feito de que o persoal está envellecido. “Queremos que Vigo sexa unha referencia en seguridade”, asegurou, e lamentou que, a pesar das súas protestas, o goberno municipal non deu resposta ás súas demandas.

Así, lamentou que o xefe de departamento de Seguridade “fai oídos xordos” ás necesidades do servizo e, en lugar de pór solucións, “castiga” aos bombeiros.

ÚLTIMAS

O embaixador de Perú rende homenaxe ás vítimas do Villa de Pitanxo no porto de Vigo

O embaixador de Perú en España, Luís Iberico Núñez, encabezou este domingo unha ofrenda...

Enfróntase a máis de 16 anos de cárcere acusado de violar e roubar a unha muller á de traballar dun hospital de Vigo

A sección quinta da Audiencia Provincial de Pontevedra, con sede en Vigo, xulgará o vindeiro...

Os servizos emerxencias traballan na extinción dun incendio nun cortello da avenida Ricardo Mella

Os servizos de emerxencias traballan na extinción dun incendio declarado nun cortello da avenida...

Detido en Vigo un home por dous ataques consecutivos á Policía Local nun só día

Axentes da Policía Local de Vigo detiveron a un cidadán estranxeiro, A.M., de 30...