O programa B-solutions, promovido pola Comisión Europea e xestionado pola Asociación de Rexións Fronteirizas Europeas (ARFE), estudará a simplificación da mobilidade de menores de idade entre Vila Nova de Cerveira (Portugal) e Tomiño para realizar intercambios educativos, deportivos e culturais.
A iniciativa foi presentada ao programa que a seleccionou, B-solutions, por parte a Agrupación Europea de Cooperación Territorial Galicia Norte de Portugal (GNP, AECT) en colaboración coa Eurocidade Cerveira-Tomiño e a Comissão de Coordenação e Desenvolvimento Rexional do Norte (CCDR- N)..
Así, B-solutions, que financia a Unión Europea (UE), proporcionará asesoramento por parte de expertos legais aos beneficiarios. Tras unha análise, elaborarase un informe no que se detallarán os obstáculos legais para desenvolver a iniciativa e as disposicións legais que os causan. A maiores, no documento incluiranse a folla de ruta para solucionar o problema exposto e especificaranse as entidades que a levarán a cabo.
A selección do proxecto prodúcese despois de que en febreiro se presentase un informe elaborado polas Valedoras da cidadanía transfronteiriza Cerveira-Tomiño no que se demandaba a simplificación dos trámites necesarios para o desprazamento de menores entre ambos os países.
