A Redondela e a súa gran Festa do Choco saíulle este ano un gran embaixador, o ministro de Cultura e portavoz do Goberno español, Íñigo Méndez de Vigo, que destacou a importancia deste evento gastronómico na rolda de prensa posterior ao Consello de Ministros.

“Yo no la conozo, pero me dijo un pajarito gallego que uno no se la puede perder“, dixo o ministro botando unha pequena gargallada cómplice cos medios de comunicación. Foi unha das súas recomendacións, xunto con outras,  como o espectáculo “Bailadora” de Sara Baras; Rock familiar en Zamora, Geolodía ou os eventos deportivos da fin de semana.

A Festa do Choco, declarada de Interese Turístico de Galicia, arrincou este venres e, durante toda a fin de semana encherá Redondela de numerosas actividades gastronómicas, culturais e musicais. O obxectivo do concello este ano é superar as 30.000 persoas.