O reitor da Universidade de Vigo, Manuel Reigosa, reuniuse este venres coa Asociación de Industriais Metalúrxicos de Galicia (Asime) na súa sede na cidade olívica, un encontro no que acordaron estudar novas liñas de colaboración nos ámbitos da educación, a innovación e o desenvolvemento.

O presidente de Asime, Xusto Sierra Rei, sinalou o peso do sector do metal en Galicia, que representa “máis do 21 por cento do PIB” e emprega a “máis de 65.000 persoas”. “Para as persoas formadas nas universidades é un sector no que teñen moitas posibilidades dedesarrollar a súa carreira profesional”, sostivo.

Pola súa banda, o reitor da Universidade de Vigo manifestou que como institución pública teñen a “obrigación” de colaborar co tecido económico e empresarial para que isto repercuta en “unha mellora da sociedade galega en xeral e das condicións de emprego das empresas en particular”.