Nun audio remitido aos medios, o alcalde, Abel Caballero, definiuno como un “xesto simbólico” de mostra do “compromiso” municipal con respecto á natureza e o clima, que —nas súas palabras— o Concello mostra “continuamente” con outros xestos; por exemplo, citou a recuperación do sistema dunar de Samil. En concreto, apagarán o edificio municipal situado na Praza do Rei, a escultura dos cabalos da Praza de España, a pérgola de Travesas, as fontes da rúa Aragón e a fonte de Gran Vía.

EXPOSICIÓN PERMANENTE DE LUGRÍS

Por outra banda, o Concello inaugurará a finais de maio unha exposición permanente do pintor Urbano Lugrís, que, en palabras de Caballero, “pintou marabillosamente a cor da luz de Vigo”. A mostra situarase na primeira planta da Casa das Artes. O Concello trasladará ata alí murais que agora están en Castrelos (‘Misterios do Mar’ e ‘Mapa de Galicia’) e sumará outras obras do artista, como ‘Habitación dun vello mariñeiro’. Esta iniciativa busca poñer en valor o legado do artista vinculado á cidade e ofrecer un espazo fixo para a súa obra.