O presidente da Xunta, Alfonso Rueda, asegurou que si se detectase “algún tipo de anomalía” nos sistemas de control respecto á xestión do hospital vigués Povisa por parte do Grupo Ribera Salud faríano público nun exercicio de transparencia.
A preguntas dos medios sobre se a Administración autonómica valora facer públicos os informes da unidade de control do convenio, Rueda defendeu que, con este sistema, “se todo vai ben, non hai nada de que preocuparse”.
O titular da Xunta relatou que o sistema de control que hai respecto a este centro hospitalario é “diferente ao que había en Madrid”, xa que en Galicia o seguimento é “por tratamento, non por paciente”. Rueda concluíu subliñando que a Xunta ten sistemas de control e informaría se houbese algún problema.
