A Xunta mantén activo o Plan de control sobre o caudal dos ríos con especial atención nas estacións fluviais de Vigo, Redondela, Gondomar e Cee tras o incremento do caudal nas últimas horas e a posibilidade de desbordamentos. En concreto, tal e como detallou o 112 Galicia, as estacións baixo observación son: Cabeiro-Redondela, Vigo-Eifonso, Miñor-Gondomar e Castro-Cee, aínda que os niveis desta última presentan unha melloría.

Así, mantense activo o Plan Inungal ante o nivel de precipitación de choiva recollido durante estas xornadas que pode dar lugar ao crecemento repentino dos caudais e posibles inundacións. Igualmente, a central de emerxencias insistiu en demandar que se sigan as recomendacións de autoprotección e evitar o acceso a zonas alagadas.