O alcalde de Vigo, Abel Caballero, informou de que a web do Concello sufriu esta mañá un ciberataque de “ciberdelincuentes prorrusos” que xa foi emendado. Nun audio enviado aos medios de comunicación, o rexedor dixo que este ataque se produciu sobre as 06.00 horas e foi detectado sobre as 08.00 horas, quedando ás 08.30 horas “restablecida a normalidade”.
“Era un novo intento de paralizar toda a xestión telemática e cibernética do Concello e impedir que os cidadáns puidesen realizar os trámites“, subliñou Caballero, apuntando como autor do mesmo a NoName, “ciberdelincuentes prorrusos”. Segundo el, a cidade seguirá sendo obxecto de ataques deste tipo, pero dispón dos mecanismos para rexeitalos “de forma inmediata sen que consigan o seu obxectivo”.
