Os técnicos da Xerencia municipal de Urbanismo de Vigo puideron entrar este luns ao edificio situado no número 4 da rúa Irmandiños, na zona de Churruca, para revisar a infraestrutura, que foi acordoada polo risco de desprendemento da fachada.
Segundo comunicou o goberno local, o inmoble leva acordoado desde o 1 de setembro por eses problemas estruturais pero o Concello tivo que solicitar autorización xudicial para acceder ao interior “pola presenza de okupas” e “ante a inexistencia de propietarios responsables que atendesen as súas obrigacións e os requirimentos da Administración”.
O pasado venres, o Concello recibiu a comunicación favorable do Concello e, este luns, os técnicos municipais puideron entrar para valorar a infraestrutura. Con todo, fontes municipais matizaron que, “dada a situación do inmoble”, o Concello xa iniciara os trámites para a execución subsidiaria dos traballos que haxa que realizar tras a valoración dos técnicos.
