A Audiencia de Pontevedra xulgará o martes a un home que se enfronta a seis anos de cárcere, por un delito de contra a saúde publica, ao que lle incautaron varias doses de heroína e cocaína.

Segundo o escrito de Fiscalía, os feitos producíronse en xaneiro de 2022 cando axentes da Garda Civil realizaban labores de vixilancia na avenida de Sanguiñeda, en Mos, e deron o alto ao acusado.

Ante o nerviosismo do home, os axentes procederon a rexistralo e foi entón, cando o acusado, tirou ao chan un moedeiro que contiña un envoltorio con cocaína e outro con heroína.

Os axentes procederon a rexistrar ao home e atopáronlle 1.316 euros en billetes de pequeno valor “provenientes da distribución de drogas a terceiras persoas”. Así mesmo, segundo o Ministerio Público, no rexistro do vehículo atoparon, debaixo da guantera do condutor, un envoltorio de cocaína e outro de heroína.

Por todo iso, o acusado, reincidente e cunha atenuante por drogadicción, enfróntase a seis anos de prisión e a unha multa de 6.470 euros (o triple do valor obxecto do delito).